Erraustegia eraikitzeko tramitazioa sei hilabetez etetea proposatu GHK-k

*Duen interesa dela-eta, Juan Karlos Alduntzinek (GHK) emandako prentsaurrekoa eskaintzen dugu:

Gipuzkoako 38 herritako alkateek (populazioaren %60a) bilketa sistema efizienteagoa ezartzeko erabakia hartu dute

Gipuzkoako 38 alkatek bilketa sistema efizienteagoa ezartzeko erabakia hartu dutela jakinarazi berri diote GHKri (Gipuzkoako Hondakinen Kudeaketa). Alkate horien erabakiak Gipuzkoako biztanleen %60ari eragingo die. Aurreikusita zegoena baino zabor kopuru txikiagoa izango da etorkizunean, alkateek konpromisoa agertu baitute. Horrek errausteko proiektua ez-bideragarri arriskua bihurtzen du, termino ekonomikoetan.

Egoera berri hau dela eta, hiri hondakinen kudeaketa integralerako beharrezkoak diren azpiegiturak gauzatzea GHKri dagokion heinean, hondakinak kudeatzeko ahalik eta alternatiba egokienak aztertzen jarraituko du partzuergoak datozen hilabeteetan, harik eta behin betiko erabakia hartu arte.

Hori guztia dela eta, GHK-k honako hau argi utzi nahi du:

1. GHK-k ez du orain arteko kontratua hausten. Proiektuaren kontratuaren baldintzen arabera, aldaketa nabarmenen bat gertatuz gero, proiektuari nabarmen eragiten diona, posible da sei hilabeteko etenaldia aplikatzea. Alkateen konpromisoak hondakinak erabat baldintzatzen du errauste plantaren bideragarritasuna. Horrexegatik artu du gaur GHKren administrazio kontseiluak erabaki hori proposatu dio Batzarrari.

2. Etenaldi proposamen honek Gipuzkoako Foru Aurrekontuak onartzeko EAJk eta Bilduk sinatu duten akordioarekin bat egiten du. Proiektua sei hilabetez etengo litzateke, ez litzateke bertan behera geldituko.

3. Datozen sei hilabeteetan alderdi guztietako kideekin ados jartzeko helburua du, hondakinen kudeaketa hobetuko duten aldaketa garrantzitsuak izateko asmoz.

4. Gaurko proposamen honen baitan subjektu ezberdinak daudela gogorarazi nahi du dugu eta subjektu bakoitzak bere eskumenak dauzkala. Batzar Nagusiei dagokie planifikazio orokorra egitea. Batzar Nagusiek euren eskumenekoak diren erabakiak hartzen dituzten modu berean, euren eskumeneko erabakiak hartuko dituzte udalek, hondakinen kudeaketa gauzatzea.

5. GHK-k hondakinak kudeatzeko eta sistema hobetzeko alternatibak aurkitzeko konpromisoa agertu nahi du.