Bilduk Espainiako erregearen bisitak suposatu zuen gastuarengatik galdetu du

Txema Azkuenaga, Bilduren Udal taldeko bozeramaileak galdera bat luzatu dio Alkatetza Sailaren ordezkaria den Jon Andoni Aldekoari Espainiako erregearen bisitak udalari suposatutako gastuak argitzea eskatuz.

Gaur aurkeztutako idazkian, Azkuenagak Aldekoari eskatu dio aparteko gastuak zeintzuk izan diren zehazteko, hala nola garbiketa, lorezaintza eta udaltzainen zerbitzu bereziak.

Bestalde ere, Bilduk Espainiako erregearen bisitaren ondorioz egindako trafiko mozketak ekarritako galera ekonomikoak neurtzeko informe bat eskatu dio udalari.

Azkuenagak bere aldetik, gai honekiko zera espero du, udalaren interesekoak diren beste gai batzuetan egin izan den bezala, ahalik eta bizkortasun handienarekin argitu dezala.