Bilduk bat egingo du sektore publikoaren defentsan biharko deitutako lanuztearekin

Euskal gehiengo sindikalak sektore publikoaren defentsan biharko deitutako lau orduko lanuztean parte hartuko du Bilduko Udal Taldeak. Udal bulegoa itxita egongo da 11etatik arratsaldeko 3ak arte. Zinegotziek, Txema Azkuenaga bozeramaileak barne, Bilboko Udaleko Enpresa Komiteak 11etan deitutako elkarretaratzean zein 12:30etan Arriagatik abiatuko den manifestazioan parte hartuko dute.

Honetaz gain, bai zinegotziek bai bulegoko langileek lau ordu horiek udal nominatik kentzeko eskatu diote Giza Baliabideko zuzendariari.

Txema Azkuenagak instituzio ezberdinek, Bilboko Udalak barne, bultzatzen duten aldaketa neoliberalaz ohartarazi du. Azkuenagak salatu du “horiek guzti horiek, krisian sartu gaituzten berdin horiek” pribatizazioa eta zerbitzu publikoen liberalizazio osoa soilik bultzatzen dutela, “gutxi batzuen mesedetan”. Honen guztiaren ondorio zuzena, urte luzeen ondorioz guztiontzat ziren zerbitzuak, dirua duten gutxi batzuk soilik izatea dela azpimarratu du.